thanday mausam ki
dhoop ki taazgi main,
narm chaoon ki neechay
main deewana
apni kuch beeti yadoon ko pukar raha tha
kabhi num ghaas k kisi masum patay ko torta,
to kabhi us patay ko
poori ghaas pay ghumata...
kabhi hansta, kabhi muskata
kabhi kaash k saharay jee k karwat badal laita
na janay main deewana..apni nadani main
kiya kuch soch raha tha
k kahin say
karb main doobi hoi
ik payal ki awaz nay
mujh ko jaga dala...
main chonk gaya,
dar gaya..
uth k baith gaya...
ajb khayal aye zehan main
par duur tak koi saya nahin tha...
koi awaz, koi roshni, koi rungg bhi nahin
main phir say lait gaya...
apni unhi yaadoon ko pukarnay laga..
aur yadoon k sahra main chaltay chaltay
us piyasay kunwain k paas pohancha...
k jis main
tum ko pahnatay huwe
tumhari tooti payal ka ik moti mujh say gira tha...
...shahyad us moti ko aaj us ki manzil mili hai
shahyad tabhi us nay apna aap manwaya hai...

@kS...