ho sakay to...

tu paas nahin to kiya
teri yaadain, teri baatein to hain
aaj ji ko bahlanay k liye
aaj dil ko jalanay k liye
woh kal ki khamoshi teri
aaj meri rusawai ka
sabab pooch rahi hai
woh teri bayjaan muskaan
meri aankhoon say
girtay ansoon'on k wajood ki
haqeeqat pooch rahi hai
woh ghari ghari ka rokna
woh tokna tera
aaj meri zindagi k liye mujhe keeon
pinjray main band
ik zakhmi parinday ki manind lag raha hai
main kab tak sapnoon ko sach samajh k jeeta rahoon
kab tak har sach ko sachai say chupata rahoon
aur kab tak bayjaan rangoon k peechay bhagta rahoon
ho sakay to
mujhe meri zindagi ki haqeeqat bata jana
yeh na ho k main haqeeqat ko dhoondtay dhoondtay
khud kahin kho jaoon !!!

@kS