Shhh....

Zindagi ko na chairo...ro day gi...
aur jab roye gi...
to dil ki awaz
kuch aisay sunai day gi...
k ehsas hoga k
har beet-ta pal
apnay hi aap main kho kar
mujh say apnay anjan honay ka
gila kar raha hai..

ehsas hoga...
k ankhoon k yeh ansoo..
bay nam nahin hain,
in main kai beeti baatein chupi hain
guzra huwa kal
kabhi kabhi anjanay sapnoon ki arh say
apni nazrain chupata huwa..
mujh ko anjan nazroon say dekhta hai ..

ehsas hoga...
k ird gird k log...
kuch aisay guzartay hain mere paas say..
k main koi jism nahin hoon...
ik aks hoon...
ik aks.. jis ka koi wajood nahin
koi jism nahin !!!

ik tarap hai...
ankahi si...
ik khalish hai...
jis ka koi ehsas nahin
ik rog hai...
jis ka koi zakhm nahin...
ik ah hai...
jis ki koi baat nahin...
kis say kahoon
kis ko samjhaoon...
k aur ronay ka dil
ab nahin karta...

@kS!!!